Pearson BTEC xalqaro malakalari nima?
BTEC - Buyuk Britaniya oʻquv dasturlari va biznes, texnologiya va amaliy fanlar boʻyicha kasbiy malakalar boʻlib, har yili 1 milliondan ortiq talabalar shu malaka dasturini oʻqib bitiradi. Shuningdek, bu malaka 70 dan ortiq mamlakatlarda tan olingan. Ushbu nufuzli malakalar 1984-yildan boshlab Buyuk Britaniyadagi Pearson kompaniyasi tomonidan sanoatning yetakchi mutaxassislari bilan yaqin hamkorlikda ishlab chiqilmoqda. Soha mutaxassislarining ushbu qoʻshgan hissasi, sizning talabalaringiz butun dunyoda talab yuqori boʻlgan amaliy, ishga yoʻnaltirilgan koʻnikmalarga ega boʻlishini taʼminlaydi.
Bundan tashqari, BTEC Higher Nationals Diplomi dunyoning yetakchi universitetlarida (jumladan, Russel guruhi aʼzolari) bakalavriat yoki magistr darajasini olish uchun oraliq qadam boʻlib xizmat qilishi mumkin. Bu talabalarga oʻz mamlakatida ham, chet elda ham taʼlim va karyera istiqbollarini yanada rivojlantirish uchun qulay imkoniyatlar ochadi.
Xalqaro BTEC malakalarining afzalliklari
Xalqaro tan olingan malakalar
Dunyo boʻylab 300 dan ortiq universitetlar va ish beruvchilar tomonidan tan olingan. Biz taklif etayotgan malakalar talabalarning taʼlimning keyingi bosqichlari va ish bilan taʼminlanish imkoniyatlarini kengaytiradi.
Yuqori sifatli taʼlim
Dastur bakalavr yoki magistr darajasiga koʻprik boʻlib xizmat qiladi va butun dunyo boʻylab talabalaringizning taʼlim va karyera istiqbollarini oshiradi.
Moslashuvchanlik
Dasturlarning moslashuvchanligi har bir mehnat bozori ehtiyojlariga javob berishiga imkon yaratadi va uni xalqaro va mahalliy takliflardan ajratadi.
Tejamkorlik
Qulay narxda yuqori sifatli xalqaro taʼlimni taklif qiluvchi tizim.
Xalqaro BTEC malakalarining turlari
BTEC International Level 2
BTEC International Level 2 - 14 yosh va undan katta yoshdagi talabalarga kasbiy taʼlim yoki taʼlimning keyingi bosqichiga oʻtish uchun imkon beradi. Talabauchun zarur boʻlgan bilim, tushuncha va koʻnikmalarni taklif etadi. Moslashuvchan, modulli kurslar sizning mavjud oʻquv rejangizga osongina mos keladi va ish bilan bogʻliq malakalarni rivojlantirmoqchi boʻlgan yosh oʻquvchilar uchun bir qator sektorlarni qamrab oladi.
BTEC International Level 3
BTEC International Level 3 - 16 yosh va undan katta yoshdagi talabalarga kasbiy taʼlim tushuncha va koʻnikmalarini, shu bilan birga koʻpgina universitetlarga toʻgʻridan toʻgʻri Level 4 yoki xalqaro universitetlarning 2-yiliga kirish imkoniyatini yaratadi. Chunki ushbu dasturlar dunyoning koʻplab universitetlari va oliy taʼlim muassasalari tomonidan tegishli birinchi kurs darajalari va oliy milliy dasturlarga kirish malakasi sifatida tan olingan.
3 chi Bosqich haqida to`liq ma`lumot
BTEC xalqaro 3 chi Bosqich malakalarini tan oladigan universitetlar ro'yxati
BTEC Higher Nationals Levels 4 & 5
BTEC Higher Nationals Level 4 & 5 bu - BTEC 3-darajali xalqaro jamgʻarmasi diplomidan keyingi ikki yillik dastur boʻlib, 4 va 5 darajalarda xalqaro tan olingan malakalarni taqdim etadi. BTEC International Level 3 bilan birgalikda bu dastur universitetning dastlabki uchinchi yiliga teng oliy maʼlumotga ega boʻlish, keyingi taʼlim bosqichi va ishga joylashish uchun aniq yoʻlni taklif qiladi. Ushbu dastur bakalavriat yoki magistr darajasiga arzon va amaliy yoʻl izlayotgan talabalar uchun idealdir. Bitiruvchilarimiz ish boshlashga yoki mahalliy universitetlarda bakalavr darajasiga qoʻshimcha bir yil oʻqishlari yoki chet eldagi, jumladan, Buyuk Britaniya, AQSh, Kanada va Birlashgan Arab Amirliklaridagi hamkor universitetlarimizdan biriga oʻtishlari mumkin.
BTEC Higher Nationals haqida to`liq ma`lumot
BTEC Higher Nationals Dastur hamkor universitetlar xaritasi
BTEC sizni qayerga yetaklaydi?
BTEC darajalari, malakalar muvofiqligi va oʻqishni davom ettirish yoki ishga joylashish imkoniyatlari bilan tanishing.
BTEC sektorlari
Pearson BTEC 24 dan ortiq fanlar boʻyicha malakalarni taklif etadi, jumladan, axborot va kommunikatsiya texnologiyalari (AKT), biznes va menejment, sogʻliqni saqlash va ijtimoiy yordam, sport va dam olish, ijodiy sanʼat, kibersport va boshqalar. Sanoat mutaxassislari bilan birgalikda ishlab chiqilgan BTEC malakalari talabalarga joriy standartlar va mehnat bozori talablariga javob beradigan koʻnikmalarni beradi.
Form Modal 5053
Biz bilan aloqaga chiqing
Agar siz Pearson BTEC ning faol markazi boʻlsangiz va yordam kerak boʻlsa, iltimos, +44 (0) 120 4770 696 telefon raqami yoki pqs.internationaleo@pearson.com elektron pochtasi orqali biz bilan bogʻlaning.