I ysgolion

Ynglŷn â PIRLS

Astudiaeth gymharol ryngwladol yw'r Astudiaeth Cynnydd mewn Llythrennedd Darllen Rhyngwladol, a elwir yn “PIRLS”, ac mae'n asesu ac yn cymharu perfformiad darllen disgyblion pan fyddant o gwmpas 10 oed, neu ym mlwyddyn 5 yng Nghymru, bob pum mlynedd ar draws oddeutu 60 o wledydd. Mae'n darparu data y gellir eu cymharu'n rhyngwladol ar gyflawniad disgyblion mewn darllen, a'r cysylltiad rhwng eu perfformiad a'u hagweddau, eu rhywedd a'u cefndir. Yn ogystal, mae PIRLS yn cynnwys holiaduron i athrawon a phenaethiaid, sy'n cynnig safbwynt gwerthfawr ar addysgu darllen ac amgylchedd yr ysgol.

Dysgwch fwy yn ein Cwestiynau Cyffredin

Pam mae PIRLS yn bwysig?

Mae PIRLS yn galluogi gwledydd ym mhedwar ban byd i wneud penderfyniadau yn seiliedig ar dystiolaeth er mwyn gwella eu systemau addysg. Mae PIRLS yn cynnig cyfle i gymharu cyflawniad yn rhyngwladol, dysgu o bolisïau ac arferion gwledydd eraill a monitro tueddiadau dros amser yn unol â mesurau annibynnol. Mae'r astudiaeth hefyd yn casglu gwybodaeth werthfawr am agweddau a chymhellion disgyblion er mwyn helpu i ddeall sut mae'r rhain yn cyfrannu at berfformiad disgyblion.

Cewch ragor o wybodaeth ar wefan yr IEA ar gyfer PIRLS

Adborth gan ysgolion

Privacy and cookies
By watching, you agree Pearson can share your viewership data for marketing and analytics for one year, revocable upon changing cookie preferences. Disabling cookies may affect video functionality. More info...

Beth yw manteision cymryd rhan i'ch ysgol?

  • Cefnogi astudiaeth sy'n ein helpu i ddeall ein system addysg yn well, gan ddylanwadu'n uniongyrchol ar bolisïau a datblygiadau cenedlaethol.
  • Cyfrannu at sylfaen dystiolaeth ryngwladol sy'n llywio polisïau a strategaethau er mwyn helpu i fynd i'r afael â'r heriau sy'n gysylltiedig â chodi safonau a lleihau bylchau cyflawniad.
  • Rhoi'r profiad i'ch disgyblion o gynrychioli Cymru mewn astudiaeth fyd-eang bwysig.
  • Rhoi'r cyfle i'ch disgyblion ymarfer eu sgiliau darllen drwy asesiad ar-lein diddorol ac arloesol. 

Y camau nesaf i Gydlynwyr Ysgol