Ynglŷn â PIRLS

PIRLS 2026 Cymru
Yr Astudiaeth Cynnydd mewn Llythrennedd Darllen Rhyngwladol
Canolfan Ymchwil Genedlaethol Cymru

Astudiaeth gymharol ryngwladol yw'r Astudiaeth Cynnydd mewn Llythrennedd Darllen Rhyngwladol, a elwir yn “PIRLS”, ac mae'n asesu ac yn cymharu perfformiad darllen disgyblion pan fyddant o gwmpas 10 oed, neu ym mlwyddyn 5 yng Nghymru, bob pum mlynedd ar draws oddeutu 60 o wledydd. Mae'n darparu data y gellir eu cymharu'n rhyngwladol ar gyflawniad disgyblion mewn darllen, a'r cysylltiad rhwng eu perfformiad a'u hagweddau, eu rhywedd a'u cefndir. Yn ogystal, mae PIRLS yn cynnwys holiaduron i athrawon a phenaethiaid, sy'n cynnig safbwynt gwerthfawr ar addysgu darllen ac amgylchedd yr ysgol.

Beth sydd wedi'i gynnwys yn PIRLS?

Mae PIRLS yn cynnwys pum rhan yng Nghymru:

  • Asesiad darllen ar sgrin i ddisgyblion.
  • Holiadur cefndir i ddisgyblion.
  • Holiadur i athrawon
  • Holiadur i ysgolion i benaethiaid.
  • Holiadur i gartrefi i rieni/gwarcheidwaid. 

I gael rhagor o wybodaeth a dolenni i eitemau enghreifftiol:

Darllenwch ein Cwestiynau Cyffredin

Sut y caiff PIRLS ei chynnal?

Caiff PIRLS ei chynnal gan Ganolfan Genedlaethol yr Astudiaeth ym mhob gwlad sy'n cymryd rhan. Mae Pearson a Chanolfan Prifysgol Rhydychen ar gyfer Asesu Addysg (OUCEA) wedi cael eu penodi'n Ganolfan Genedlaethol Astudiaeth PIRLS 2026 ar gyfer Cymru gan Lywodraeth Cymru. Bydd Pearson yn gweithio gydag ysgolion i gynnal yr astudiaeth, gan reoli'r gwaith o weinyddu, prosesu a sgorio asesiad PIRLS 2026. OUCEA fydd yn gyfrifol am adrodd ar y canfyddiadau yng Nghymru a'u dosbarthu.

Dewch i gwrdd â'r tîm Dysgwch fwy am PIRLS